Bütöv Azərbaycan Ocaqları (BAO) Çində yaşayan uyğur türklərinə qarşı aparılan milli və dini ayrıseçkilik siyasəti ilə əlaqədar bəyanat yayıb.
Bəyanatın mətni aşağıdakı kimidir:
Bütöv Azərbaycan Ocaqlarının (BAO)
Bəyanatı
Son vaxtlar Çin Xalq Respublikasında kompakt yaşayan yerli uyğur türklərinə qarşı aparılan milli və dini ayrıseçkilik və assimilyasiya siyasəti artmaqdadır. Hətta bu ölkədə yaşayan müsəlmanlara, o cümlədən uyğur türklərinə müqəddəs ramazan ayında oruc tutmaq da yasaqlanıb. Çin dövləti tərəfindən atılmış insan haqları və azadlıqlarına zidd bu addım bir çox müsəlman, o cümlədən türk dövlətlərində haqlı etirazlara səbəb olmuşdur.
Biz dünya dövlətlərini və beynəlxalq təşkilatları Çin dövlətinin beynəlxalq hüquq normalarına, o cümlədən insan haqları və azadlıqlarına zidd olaraq uyğur türklərinə qarşı apardığı milli və dini ayrıseçkilik və assimilaasiya siyasətinə qarşı mövqe sərgiləməyə, mümkün sivil vasitələrlə bu dövlətə təzyiq göstərməyə çağırırıq.
Bütöv Azərbaycan Ocaqları
Bakı, 07.07.2015.
1103