Bütöv Azərbaycan Ocaqları (BAO) tərəfindən 1 aprel 2017-ci il tarixində Xırdalan şəhəri 11-illik musiqi məktəbində saz sinfinin müəllimləri və şagirdlərinin mükafatlandırma mərasimi keçirilib. Məktəbin saz sinfinin şagirdləri – Qasımzadə Rəvan İlham oğlu, İlyasov Orxan Rabil oğlu, Əlizadə Vüsal Mehman oğlu, Qaragözlü Təbriz Elman oğlu və Cəfərov Fərid Elşən oğlu BAO-nun Bütov Azərbaycan Tonqalı ətrafında təşkil etdiyi Novruz şənliyində (18.03.2017) fəal iştirak etdiklərinə görə BAO tərəfindən diplomla mükafatlandırılıblar. Tədbirdə həmçinin saz sinfinin müəllimləri Sahil Qurbanov və Nəsib Həsənov, həmçinin musiqi məktəbi özü də BAO-nun diplomu ilə mükafatlandırılıb.
Mükafatlandırma mərasimində BAO başqanının müavinləri Alı Balayev, Faiq Ələkbərli, Dilavər Əzimli, BAO Mərkəzi Şurasının üzvü Araz Şamil, həmçinin məktəbin direktoru İkram Manafov, Saz sinfinin müəllimləri Sahil Qurbanov, Nəsib Həsənov və valideyn İlham Qasımov iştirak ediblər.
Mükafatlandırmadan sonra məktəbin rəhbərliyi ilə BAO rəhbərliyi Azərbaycanın bütövlüyü, Türk dünyasının bu günü və gələcəyi haqqında fikir mübadiləsi edilmiş, milli musiqimizin bu yöndəki yeri və önəmi haqqında danışılmışdır. Sonda xatirə fotoları çəkdirilmişdir.
FOTOLAR:
BAO İnformasiya Xidməti
01.04.2017.