Bəzən fikirləşirsən, necə olur ki bu İngilis xalqı uzun illərdir dünyada hegemonluq edir. Cavab sadədir, bir xalq olaraq vaxtında birləşdilər, bütövləşdilər. Hamı deyə bilər, burda nə var ki, hegemonluğun, qüdrətli olmağın yolu birləşməkdən və bütöv olmaqdan keçir. Sual yaranır, vaxtında birləşib bütöv ola bilirsənmi?
Tarixi bir hadisə yadıma düşdü. İngiltərə 1707-ci il mayın 1-də digər bir ingilis dövləti olan Şotlandiya ilə birləşdi. Bu birləşmədən sonra İngiltərə Böyük Britaniya adlanmağa başladı. Nəhayət 1800-cü ildə bütövlükdə İrlandiya yarımadasını birləşdirdilər. Bundan sonra Böyük Britaniya, Birləşmiş Krallıq adlanmağa başladı. Düzdür, İngiltərə 1921 -1922-ci ildə mərkəzi Dublin olan İrlandiyaya özünü idarə etmə hüququ versə də, bu gün paytaxtı Dublin olan İrlandiyanın Birləşmiş Krallığa qarşı mövqeyində ciddi bir dəyişiklik yoxdur. Əksinə eyni mövqedən çıxış edirlər.
Birləşmiş Krallığın tərkibində olan dövlətlər bunlardır: Uels, Şotlandiya, Şimali İrlandiya və bir də İngiltərə. Bəlkə də həmin vaxtında birləşmənin nəticəsidir ki, bu gün İngilis xalqı dünyanın ən xoşbəxt xalqıdır. Bunların yaratdığı bu sistemə - ABŞ, Avstraliya, Yeni Zelandiya və sairə dövlətlər tabedir.
Mən bu yazını yazmaqdan ingilis xalqının azarkeşi deyiləm. Sadəcə olaraq bütün bunlar reallıqdır. Humanist olmaqdansa realist olmaq daha yaxşıdır.
Şahin Bəkirli
0
940